Sieryjał «Saŭs-park» praciahnuli jašče na šeść siezonaŭ
Stvaralniki multsieryjała «South Park» Met Stoŭn i Trej Parkier padpisali novy kantrakt z amierykanskaj karparacyjaj ViacomCBS.
06.08.2021 / 08:58
Kantrakt, raźličany da 2027 hoda, praduhledžvaje vypusk jašče šaści siezonaŭ «Paŭdniovaha Parku» dla telekanała Comedy Central i stvareńnie 14 poŭnamietražnych filmaŭ dla stryminhavaha servisu Paramount+, paviedamlaje meduza.io
Zajaŭlenyja filmy buduć śpin-ofami aryhinalnaha sieryjała, a pieršaja karcina, dziejańnie jakoj budzie adbyvacca ŭ śviecie «Saŭs-Parku», vyjdzie na ekrany da kanca 2021 hoda.
Pa ŭmovach kantraktu, ViacomCBS zapłacić Mettu Stoŭnu i Treju Parkieru bolš za 900 miljonaŭ dalaraŭ, što robić hetuju ździełku adnoj z samych bujnych u historyi telebačańnia.
Sieryjał vychodzić z 1997 hoda. Heta adzin z samych praciahłych sieryjałaŭ na telebačańni. Jon zastajecca samym papularnym telešou na Comedy Central.