U Litvu za minułyja sutki nie puścili bolš za 100 mihrantaŭ

Za minułyja sutki ŭ Litvie zatrymanyja 2 nielehalnyja mihranty, pamiežniki raźviarnuli bolš za 100 čałaviek, paviedamlaje Delfi sa spasyłkaj na Departamient statystyki i pamiežnuju słužbu ŭ piatnicu.

06.08.2021 / 09:33

Delfi.lt

Kolkaść zatrymanych mihrantaŭ źniziłasia paśla pastanovy ministra ŭnutranych spraŭ Ahnie Biłatajcie, jakaja dazvoliła pamiežnikam razvaročvać mihrantaŭ u bok Biełarusi i nakiroŭvać ich u aficyjnyja punkty pamiežnaha kantrolu.

Pradstaŭnik Słužby achovy dziaržmiažy Rokas Pukinskas pacvierdziŭ BNS, što za minułyja sutki pamiežniki raźviarnuli bolš za 100 mihrantaŭ.

Jon adznačyŭ, što incydentaŭ praz razvaročvańnie pamiežnikami nielehalnych mihrantaŭ nie było.

U Litvu praź miažu ź Biełarussiu sioleta patrapili 4112 mihrantaŭ, pieravažna ź Iraka, paviedamlaje Departamient statystyki.