U Słuckim rajonie aŭtamabil urezaŭsia ŭ dreva — zahinuli dva čałavieki
Zdareńnie adbyłosia 5 žniŭnia kala 18:00 kala vioski Amhovičy (daroha R43).
06.08.2021 / 09:49
SK
U «Reno 19» jechali troje mužčyn: 37-hadovy dziadźka i dva jaho plamieńniki, 23 i 24 hadoŭ.
Pablizu vioski kiroŭca nie spraviŭsia z kiravańniem i źjechaŭ u pravy kiuviet, zatym aŭtamabil urezaŭsia ŭ dreva. Nieviadoma, chto znachodziŭsia za rulom, piša SK.
U vyniku DTZ dziadźka i jaho starejšy plamieńnik pamierli na miescy zdareńnia, małodšy plamieńnik ahledžany daktarami i adpuščany. Pavodle papiaredniaj infarmacyi, mužčyny byli pjanyja.