Milicyjanier padstreliŭ žychara Kaściukovickaha rajona
Ranicaj 14 žniŭnia žychary vioski Muraville pazvanili ŭ milicyju i paskardzilisia na kanflikt pamiž susiedziami: pabilisia braty, adnamu ź ich 34 hady, druhomu — 33.
14.08.2021 / 19:00
Pres-słužba MUS adznačaje, što mužčyny pavodzili siabie ahresiŭna, kinulisia na milicyjanieraŭ z kułakami. Adzin ź ich stuknuŭ siłavika i pavaliŭ jaho na ziamlu, kaleha chacieŭ dapamahčy, ale na jaho napaŭ druhi parušalnik.
U milicyi kažuć, što na patrabavańni supakoicca braty nie reahavali, adzin ź milicyjanieraŭ streliŭ u pavietra, ale i heta nie dapamahło, tamu jon streliŭ u nahu starejšamu z bratoŭ. Mužčynu zabrali ŭ balnicu.
Heta ŭžo druhi vypadak za tydzień, kali supracoŭniki milicyi ŭžyvajuć zbroju ŭ adnosinach da debašyraŭ. Da hetaha byŭ vypadak ŭ Čavusach, dzie mužčyna biehaŭ pa vulicy ź siakieraj.