Украінцы вывезлі з Кабула грамадзян пяці краін. У тым ліку беларусаў

Міністр замежных спраў Украіны Дзмітрый Кулеба паведамляе, што ўкраінскі самалёт эвакуяваў з аэрапорта Кабула, акрамя суайчыннікаў, грамадзян Афганістана, Беларусі, Нідэрландаў і Харватыі.

16.08.2021 / 08:05

Getty Images

Адначасова прэзідэнт Украіны Уладзімір Зяленскі ўдакладніў, што ўсяго эвакуяваных — 80 чалавек, з іх восем — грамадзяне Украіны.

Український літак, який перебував у Афганістані, забрав з Кабула громадян України, Нідерландів, Хорватії, Білорусі, Афганістану. Нині вони у безпеці. Україна не кидає своїх і допомагає іншим. У разі подальших звернень, зробимо все для допомоги співвітчизникам та іноземцям у біді.

— Dmytro Kuleba (@DmytroKuleba) August 15, 2021

На вываз грамадзян заходніх краін і бежанцаў-афганцаў з кабульскага аэрапорта кінутыя дзясяткі ваенна-транспартных самалётаў ЗША, дзесяць брытанскіх і чатыры канадскія транспартнікі; у найбліжэйшы час чакаецца прылёт двух нямецкіх ваенна-транспартных самалётаў, піша Бі-бі-сі.

Учора Кабул вельмі хутка — фактычна без аніводнага стрэлу — занялі талібы, што прывяло ў тым ліку і да транспартнага хаосу. Прэзідэнт краіны Ашраф Гані пакінуў Афганістан. 

Nashaniva.com