Na pahranpierachodzie ŭ polskaj Kuźnicy zatrymali hruzavik, što pieravoziŭ 485 tysiač pačkaŭ cyharet

Na pamiežnym pierachodzie ŭ Kuźnicy była zatrymanaja čarhovaja partyja kantrabandnych biełaruskich cyharet: hetym razam 485 tysiač pačak.

23.08.2021 / 11:51

Kantrol prachodziŭ hruzavik. Zhodna z dakumientami, na piaci mietaličnych stełažach pavinny byli pieravozicca płastykavyja vokny. Adnak padčas ahladu mytniki vyjavili, što vokny — tolki dla maskiroŭki realnaha hruzu.

U vyniku kanfiskavana 485 tysiač pačkaŭ cyharet roznych marak acenačnym koštam kala 7,3 miljona złotych (1,87 miljona dalaraŭ).

Kali b cyharety byli pradadzienyja ŭ Polščy, biudžet krainy niedaličyŭsia b padatkaŭ na 12 miljonaŭ złotych (3,07 miljona dalaraŭ).

33-hadovy biełarus zatrymany, jamu pahražaje bujny štraf abo pazbaŭleńnie voli da piaci hadoŭ.