«Дзіцячыя садкі і школы сталі апорай для каляровай рэвалюцыі». Карпенка прайшоўся па прыватных навучальных установах
Ён падкрэсліў, што «навучанне і выхаванне дзяцей павінна быць пад пільным кантролем дзяржавы».
24.08.2021 / 12:08
«Паўлегальныя прыватныя дзіцячыя садкі і школы пад шыльдай індывідуальных прадпрымальнікаў, грамадскіх ці рэлігійных аб'яднанняў у большасці выкарыстоўваліся ў палітычных мэтах, станавіліся апорай для каляровай рэвалюцыі. А іх супрацоўнікі і кіраўнікі апынуліся ў дэструктыўных арганізацыях рознага ўзроўню», — заявіў ён на Рэспубліканскім педсавеце.
Раней Карпенка таксама заяўляў, што «на працягу ўсёй інфармацыйнай кампаніі лета-восені 2020-га настаўнікаў называлі ў тэлеграм-каналах «ворагамі», «прыхільнікамі сістэмы».
«Экстрэмісты падпальвалі школы, неслі да іх пахавальныя вянкі, былі фэйкавыя паведамленні аб мініраванні будынкаў. У той жа перыяд узламвалі сайты ўстаноў сістэмы адукацыі, міністэрства масава падвяргаліся DDoS-атакам».