Прадстаўнік па справах бежанцаў ААН сустрэўся з мігрантамі. Яны заявілі, што не хочуць заставацца ў Беларусі
У сераду, 25 жніўня, прадстаўнік ААН па справах бежанцаў у Беларусі Мамо наведаў участак памежнай заставы Русакі Гродзенскай памежнай групы, паведамляе Дзяржпамежкамітэт.
25.08.2021 / 18:38
Чыноўнік пагутарыў з мігрантамі, якія знаходзяцца на лініі мяжы ўжо працяглы час.
Замежнікі распавялі чыноўніку, чаму яны хочуць трапіць у краіны Еўропы.
Мігранты адкрыта заявілі пра тое, што не хочуць заставацца ў Беларусі і звяртацца па абарону ў нашай краіне, яны хочуць трапіць у ЕС.
Сцвярджаецца, што мігранты вельмі абураныя тым фактам, што польскія вайскоўцы не дапускаюць да іх прадстаўнікоў еўрапейскіх СМІ і праваабарончых арганізацый.