Былога АМАПаўца затрымалі за ўдзел у «беспарадках» 9-11 жніўня мінулага года на Стэле
На Валадарцы ўтрымліваецца 40-гадовы экс-супрацоўнік АМАПа Максім Клімовіч. Ён звольніўся ў 2012 годзе, паведамляе «Вясна».
30.08.2021 / 14:26
Гэтым летам ён з'ехаў жыць у Польшчу, але вымушаны быў вярнуцца. Праз некалькі дзён пасля вяртання 17 жніўня яго затрымалі дома ў аграгарадку Хацежына.
Ператрус праводзіўся па артыкуле 342 Крымінальнага кодэкса (дзеянні, якія груба парушаюць грамадскі парадак), але па якім артыкуле яму выставілі абвінавачванне, пакуль невядома.
У Максіма дома жонка і трое дзяцей.