Віктар Бабарыка не можа трапіць у турэмную бібліятэку
Адвакат палітвязня Наталля Мацкевіч паведамляе, што працоўны графік Бабарыкі супадае з рэжымам працы бібліятэкі ў Наваполацкай калоніі, таму запісацца туды і ўзяць кнігі ён не можа.
01.09.2021 / 10:28
Віктар падкідвае дроўцы ў пякарні, працуе апальшчыкам.
Нагадаем, Бабарыка асуджаны на 14 гадоў за карупцыю і адмыванне грошай, віны не прызнаў.
У сілавікоў з’явіліся да яго пытанні пасля таго, як ён абвесціў пра свае прэзідэнцкія амбіцыі. Разам з ім быў затрыманы сын, Эдуард Бабарыка, які ўжо больш за год знаходзіцца ў СІЗА КДБ.
Адрас для ліставання з Віктарам Бабарыкам: 211440, Віцебская вобл., г. Наваполацк, вул. Тэхнічная, 8. Выпраўленчая калонія №1.
Адрас для ліставання з Эдуардам Бабарыкам: 220050, г. Мінск, а/с 8, СІЗА КДБ.