Fiłosafa Uładzimira Mackieviča pryznali schilnym da ekstremizmu
7.09.2021 / 8:35
Fiłosafa i mietadołaha Uładzimira Mackieviča, jaki znachodzicca ŭ SIZA na Vaładarskaha, pryznali schilnym da ekstremizmu.
Pryčym siadzić jon u kamiery adzin. Pra heta havorycca na staroncy, pryśviečanaj jamu ŭ fejsbuku.
Mackievič byŭ zatrymany 4 žniŭnia, kali da jaho pryjšli ź pieratrusam supracoŭniki KDB.
Mackieviča abvinavacili ŭ «arhanizacyi hrupavych dziejańniaŭ, jakija hruba parušajuć hramadski paradak» (č. 1 art. 342 KK) i pakinuli pad vartaj.