Łukašenka i Pucin abmiarkujuć siońnia intehracyjnyja pracesy i situacyju ŭ Afhanistanie. Padpisańnia dakumientaŭ nie płanujecca
Sustreča projdzie siońnia ŭ Maskvie, i heta piataja z pačatku hoda.
09.09.2021 / 08:14
Kremlin.ru
Jak painfarmavała pres-słužba Kramla, u chodzie pieramovaŭ «buduć abmierkavany vyniki pracy pa prasoŭvańni intehracyjnych pracesaŭ u ramkach Sajuznaj dziaržavy i inšyja pytańni raźvićcia rasijska-biełaruskich adnosin».
Akramia taho, u suviazi z samitam Arhanizacyi Damovy ab kalektyŭnaj biaśpiecy (ADKB) u Dušanbe płanujecca abmien dumkami pa šerahu aktualnych prablem rehijanalnaha paradku dnia, uklučajučy situacyju ŭ Afhanistanie.
Paśla sustrečy daduć pres-kanfierencyju.
Padpisańnie jakich-niebudź dakumientaŭ, u tym liku takich, što datyčacca pytańniaŭ intehracyi, pa vynikach pieramovaŭ nie płanujecca, piša TASS.