Саюзныя праграмы Беларусі і Расіі Лукашэнка і Пуцін зацвердзяць 4 лістапада
Вышэйшы дзяржсавет Саюзнай дзяржавы, на якім плануецца зацвердзіць саюзныя праграмы, адбудзецца 4 лістапада. Пра гэта паведаміў Аляксандр Лукашэнка на сустрэчы з кіраўніком Следчага камітэта Расіі Аляксандрам Бастрыкіным.
10.09.2021 / 12:23
«Дзесьці, па-мойму, 4 лістапада, у Дзень народнага адзінства ў Расіі, мы правядзём гэтае мерапрыемства — Вышэйшы дзяржсавет», — сказаў Аляксандр Лукашэнка.
Ён адзначыў, што на пасяджэнні плануецца зацвердзіць распрацаваныя праграмы Саюзнай дзяржавы. Напярэдадні яны былі ўзгодненыя на перамовах, а да гэтай даты будуць дашліфаваныя і прынятыя ўрадамі абедзвюх краін.
9 верасня падчас сустрэчы ў Крамлі былі ўзгодненыя ўсе 28 саюзных праграм.