У атачэнні Пуціна на каранавірус захварэлі дзясяткі чалавек

У атачэнні прэзідэнта Расіі Уладзіміра Пуціна адбылася сур'ёзная ўспышка кавіду. Захварэлі дзясяткі чалавек. Пра гэта ён сам паведаміў на саміце АДКБ, у якім прымае ўдзел па відэасувязі.

16.09.2021 / 09:57

«Вы ведаеце, што, на жаль, вымушаны быў у апошні момант адмяніць свой візіт у Душанбэ, мне вельмі шкада, але гэта звязана з тым, што ў найбліжэйшым атачэнні, як вы ведаеце, выяўленыя выпадкі захворвання на каранавірус, і гэта не адзін, не два — некалькі дзясяткаў чалавек. І цяпер даводзіцца на працягу некалькіх дзён выконваць рэжым самаізаляцыі», — прыводзіць яго словы прэс-служба Крамля.

Nashaniva.com