U Maskvie iduć pratesty suprać vynikaŭ vybaraŭ u Dziarždumu. Mitynhoŭcy skandujuć: «Rasija biez Pucina»
U subotu ŭ Maskvie adbyłasia akcyja pratestu KPRF suprać vynikaŭ vybaraŭ u Dziarždumu i Masdziarždumu Rasii. Na Puškinskaj płoščy sabrałasia kala 1000 demanstrantaŭ.
25.09.2021 / 17:20
Maskoŭskija ŭłady nie dali dazvołu na praviadzieńnie mitynhu, spasłaŭšysia na pandemiju. Jašče napiaredadni akcyi pačalisia zatrymańni. Ahułam zatrymali kala 60 aktyvistaŭ.
Palicyja ŭ Rasii ŭ časie akcyi ŭklučyła ŭ aŭtamabili, abviešanym hukaŭzmacnialnikami, patryjatyčnuju pieśniu «Diadia Vova, my s toboj». Takija muzyčnyja ŭklučeńni nie raz praktykavalisia ŭ časie pratestaŭ u Biełarusi.
Z 17 pa 19 vieraśnia rasijanie abirali deputataŭ Dziaržaŭnaj dumy novaha sklikańnia, kiraŭnikoŭ šerahu rasijskich rehijonaŭ, kiraŭnikoŭ haradskich i sielskich pasieliščaŭ, členaŭ zakanadaŭčych orhanaŭ amal u čatyroch dziasiatkach rehijonaŭ. Vyhladaje, što hetyja parłamienckija vybary ŭ Rasii byli najmienš svabodnymi za ŭsie postsavieckija hady. Čamu tak — čytajcie ŭ našym materyjale: