Hienprakuratura: Supracoŭniki KDB dziejničali ŭ miežach pradastaŭlenych pravoŭ i ŭ adpaviednaści z zakanadaŭstvam
Hienprakuratura prakamientavała ŭčorašnija padziei na vulicy Jakuboŭskaha ŭ Minsku, u vyniku jakich zahinuli supracoŭnik KDB i ajcišnik Andrej Zielcer.
29.09.2021 / 09:23
Hienieralnaja prakuratura praviała pravierku pa fakcie prymianieńnia ahniastrelnaj zbroi supracoŭnikami KDB, što paciahnuła za saboj śmierć žychara Minska, havorycca ŭ paviedamleńni.
Ustanoŭlena, što hety hramadzianin abhruntavana padazravaŭsia ŭ ździajśnieńni asabliva niebiaśpiečnych złačynstvaŭ, źviazanych z teraryzmam. Supracoŭniki KDB z paniatymi na padstavie pastanovy ab praviadzieńni pieratrusu, sankcyjanavanaha namieśnikam Hienieralnaha prakurora, prybyli da žylla padazravanaha.
Nieadnarazovyja patrabavańni adčynić dźviery i ŭpuścić u žyllo, papiaredžańni ab vykarystańni pryład dla ŭskryvańnia haspadar praihnaravaŭ. Paśla čaho pravaachoŭniki na zakonnych padstavach adčynili dźviery i ŭvajšli ŭ kvateru.
Tam padazravany dvojčy streliŭ u supracoŭnikaŭ KDB z ahniastrelnaj zbroi, pryčyniŭšy adnamu z vartavych zakona ahniastrelnaje ranieńnie, što paciahnuła śmierć.
Supracoŭniki KDB, dziejničajučy na padstavie Zakona Respubliki Biełaruś «Ab orhanach dziaržaŭnaj biaśpieki Respubliki Biełaruś», zychodziačy ź situacyi, jakaja skłałasia, u adkaz na ŭzbrojeny napad užyli ahniastrelnuju zbroju, pryčyniŭšy złačyncu paškodžańni, ad jakich jon pamior.
«Prakurorskaj pravierkaj ustanoŭlena, što supracoŭniki KDB dziejničali ŭ miežach pradastaŭlenych pravoŭ i ŭ adpaviednaści z zakanadaŭstvam», — adznačajecca ŭ paviedamleńni.