Da palitviaźnia-padletka Mikity Załatarova nie puścili na spatkańnie maci

Mikita Załataroŭ — padletak z epilepsijaj, adbyvaje pakarańnie ŭ babrujskaj kałonii. 2 kastryčnika da jaho na spatkańnie nie puścili maci i nie pryniali dla jaho pieradaču.

03.10.2021 / 19:47

Pra heta BiełaPAN paviedamiŭ baćka palitviaźnia Michaił Łapunoŭ.

«[Maci] pavinna była patrapić na spatkańnie. Nie puścili. Syn u izalatary, skazaŭ niejki ŭstryvožany čałaviek u formie. Pradukty nie ŭziali, usio pryviezła nazad. Prasiła zrabić fota, kab pierakanacca, što jon žyvy. Achoŭnik skazaŭ, što nie dazvolena. Voś tak, z kamieniem na dušy, i viarnułasia dadomu», — raspavioŭ baćka.

Mikitu Załatarova zatrymali ŭ Homieli 11 žniŭnia 2020 hoda. Tady jamu było 16 hadoŭ. Padletka abvinavacili va ŭdziele ŭ masavych biesparadkach. U lutym jaho asudzili na 5 hadoŭ. A ŭ lipieni druhi sud za «hvałt nad milicyjaj» — napad na supracoŭnikaŭ SIZA —daŭ chłopcu jašče 1,5 hoda.