U avaryi na trasie Połack — Viciebsk zahinuŭ namieśnik hubiernatara rasijskaj Ivanaŭskaj vobłaści
Ranicaj 5 kastryčnika 62-hadovy kiroŭca Mitsubishi nie daŭ rady kiravańniu i, vyjechaŭšy na pałasu sustrečnaha ruchu, sutyknuŭsia z furaj.
05.10.2021 / 13:32
Fota DAI
Kiroŭca lehkavika paźniej pamior u Šumilinskaj rajonnaj balnicy, piša gorod214.
Pavodle infarmacyi rasijskich miedyja, zahinuły — namieśnik hubiernatara Ivanaŭskaj vobłaści Siarhiej Karobkin. Mužčyna naradziŭsia ŭ Horkach na Mahiloŭščynie i viartaŭsia ŭ Rasiju ad svajakoŭ.
Paviedamlajecca taksama, što ŭ mašynie była žonka Karobkina. Jana vyžyła.