U Biełarusi likvidavali apošniuju zarehistravanuju pravaabarončuju arhanizacyju
«Pravavuju inicyjatyvu» ŭłady aficyjna zakryli 5 kastryčnika.
05.10.2021 / 15:41
U aŭtorak adbyłosia zakryćcio ŭ Viarchoŭnym sudzie «Pravavoj inicyjatyvy», apošniaj zarehistravanaj pravaabarončaj arhanizacyi. Pieršy raz sud u likvidacyi pryznačyli jašče 19 lipienia. Ciapier arhanizacyju aficyjna likvidavali adpaviednaj sudovaj pastanovaj, piša «Radyjo Svaboda».
«Pravavaja inicyjatyva» — niekamiercyjnaja niedziaržaŭnaja arhanizacyja, jakaja zajmajecca abaronaj pravoŭ čałavieka. Stvorana ŭ 1996 hodzie.
16 lipienia pa miescy rehistracyi staršyni abjadnańnia Viktoryi Fiodaravaj adbyŭsia pieratrus u ramkach kryminalnaj spravy ab masavych biesparadkach. Sama kiraŭnica ad sioletniaha sakavika vymušana znachodzicca za miežami Biełarusi.
Ź siaredziny lipienia ŭ Biełarusi adbyvajecca masavaja likvidacyja niedziaržaŭnych arhanizacyjaŭ. Hieahrafija źlikvidavanych uładami ŭstanoŭ achapiła praktyčna ŭsiu Biełaruś.