Stali viadomyja novyja proźviščy vypuščanych ź SIZA pa spravie Biełhazprambanka
Jak daviedałasia «Naša Niva», z-za krataŭ vyjšli staršynia naziralnaj rady «Kientaŭra» Volha Radzieckaja, akcyjaniery «Pryvatlizinha»: dyrektar Andrej Charłanovič, Alaksiej Hieraščanka i Anton Marozaŭ (namieśnik Radzieckaj u «Kientaŭry»).
12.10.2021 / 13:09
Siarhiej Dabralot, były supracoŭnik «Biełhazprambanka» i akcyjanier «Pryvatlizinha», zastajecca ŭ kałonii.
Kryminalnyja spravy suprać vyzvalenych ludziej nie zakryty, abstaviny ich vyzvaleńnia nieviadomyja.
«Pryvatlizinh» i «Kientaŭr» — kampanii, jakija paciarpieli paśla razhromu «Biełhazprambanka» i aryštaŭ u kołach, nabližanych da favaryta prezidenckaj honki Viktara Babaryki.
Raniej stała viadoma pra vyzvaleńnie ź SIZA čatyroch čałaviek pa «spravie Biełhazprambanka»: Volhi Kuprejevaj, Uładzimira Sažyna, Dźmitryja Karaki i Dźmitryja Žardzieckaha.