У выніку ўчорашняга інцыдэнту на «Беларуськаліі» пацярпелі чацвёра рабочых
Следчыя высвятляюць акалічнасці траўміравання работнікаў на прадпрыемстве «Беларуськалій».
15.10.2021 / 09:35
Фота СК
Здарэнне адбылося днём 14 кастрычніка: пры дастаўцы работнікаў рудніка 1РУ на змену адбылося сутыкненне транспартнай шахтавай машыны са сценкай горнай выпрацоўкі.
У выніку здарэння пацярпелі чацвёра работнікаў. Двое шпіталізаваныя. Пагрозы жыццю пацярпелых няма. Аўтамабіль атрымаў механічныя пашкоджанні, паведамляе БелТА.
Следча-аператыўная група спусцілася ў шахту на глыбіню 430 м для правядзення агляду месца здарэння.