Aŭtobusnych kantraloraŭ vinavaciać u machinacyjach sa štrafami
Kryminalnyja spravy za złoŭžyvańnie słužbovymi paŭnamoctvami byli zaviedzienyja na troch kantraloraŭ, jakija pracavali na terytoryi Minska i Minskaha rajona. Jany abvinavačvajucca ŭ tym, što brali štrafy ź bieźbiletnikaŭ, nie składajučy pratakołaŭ. Albo afarmlali ich na starońnich ludziej, jakija nie zdahadvalisia ab tym, što adbyvajecca, paviedamlaje SK.
19.10.2021 / 10:04
Kantralory atrymlivali ad parušalnikaŭ hrošy, paśla čaho ŭ niekatorych vypadkach praz adsutnaść dakumientaŭ u bieźbiletnikaŭ adpuskali ich. Farmalna ž u takich vypadkach nieabchodna dastavić parušalnika ŭ milicyju dla vyśviatleńnia asoby. Pastanovy ab administracyjnym spahnańni składali na inšych bieźbiletnikaŭ, jakich łavili raniej. Kopija pastanovy, jak praviła, na ruki hramadzianam nie vydavałasia.
Byli vypadki, kali kantralory atrymlivali ad pasažyraŭ hrošy i nie vynosili pastanovy ab administracyjnym spahnańni.
Paciarpiełymi pryznanyja dzieviać čałaviek.
Abvinavačanyja — mužčyna 57 hadoŭ, 46-i 51-hadovaja žančyny.