Bloomberg: Bielhija nastojvaje na źmiakčeńni sankcyj ES u dačynieńni da «Biełaruśkałija»
Vydańnie Bloomberg paviedamlaje, što Bielhija sprabuje źmiakčyć sankcyi Jeŭrapiejskaha sajuza suprać kalijnaj pramysłovaści Biełarusi.
19.10.2021 / 18:58
Pavodle infarmacyi vydańnia, dypłamaty ŭ Brusieli napisali inšym dziaržavam-udzielnicam ES list z prośbaj asłabić abmiežavańni, uviedzienyja na biełaruskuju kalijnuju pramysłovaść. Jany śćviardžajuć, što sankcyi ŭ dačynieńni da «Biełaruśkałija» stvaryli peŭnyja prablemy dla kampanij u ES.
Dypłamaty prapanujuć ES dazvolić pastaŭku kalijnych uhnajeńniaŭ z utrymańniem kałiju na 2% bolš, čym dazvolena ŭ ciapierašni čas. U liście adznačajecca, što, kali jeŭrapiejskija kampanii buduć vymušanyja zakuplać kalijnyja ŭhnajeńni ź inšych krynic, heta pryviadzie da skačka cen i źnižeńnia jakaści kalijnych uhnajeńniaŭ.
ES uvioŭ zabaronu na impart i tranzit kalijnych uhnajeńniaŭ ź Biełarusi jašče 24 červienia, a 9 žniŭnia sankcyi na kalijny siektar uviali ZŠA, Kanada i Vialikabrytanija. Jany raspaŭsiudžvajucca na chłaryd kałiju z utrymańniem kałiju nie bolš za 40%, uhnajeńni, jakija źmiaščajuć try kampanienty: azot, fosfar i kalij; uhnajeńni, jakija źmiaščajuć dva kampanienty: fosfar i kalij; inšyja ŭhnajeńni, jakija źmiaščajuć kalij.