Instagram запусціць новыя функцыі, некаторыя здзівяць вас
Instagram распавёў пра абнаўленні, якія паступова будуць уводзіцца ў кастрычніку.
19.10.2021 / 21:14
19 кастрычніка ў сацыяльнай сетцы з'явіцца функцыя Collabs, якая дазволіць двум карыстальнікам публікаваць сумесныя пасты. У такіх публікацый будуць агульныя каментары, прагляды і лайкі.
20 кастрычніка сацсетка запусціць функцыю, якая дазваляе пачаць збор сродкаў для некамерцыйных арганізацый.
21 кастрычніка карыстальнікі па ўсім свеце змогуць публікаваць фота і відэа працягласцю не больш за хвіліну з дэсктопа — з любой платформы, на якой няма дадатка сацсеткі.
21 кастрычніка ў сацсетцы таксама з'явяцца новыя функцыі ў Reels, у тым ліку 3D-тэксты песень.
Дарэчы, падпісвайцеся на інстаграм «Нашай Нівы» і «Нашай гісторыі» — пратэсцім новыя функцыі разам!