У Літве пабіты рэкорд па заражэнні каранавірусам
За мінулыя суткі ў Літве быў выяўлены 3331 новы выпадак заражэння каранавірусам, ад гэтай хваробы памерлі 11 чалавек, паведамляе Delfi.
20.10.2021 / 11:19
Гэта найбольшая сутачная колькасць новых выпадкаў у гэтым годзе — больш фіксавалася толькі ў снежні мінулага года.
Усе памерлыя за выключэннем аднаго не былі прышчэпленыя або былі прышчэпленыя не цалкам.
У бальніцах цяпер праходзіць лячэнне 1669 пацыентаў з COVID-19, на тры дзясяткі больш, чым суткамі раней. 157 з іх знаходзяцца ў рэанімацыі.
За апошнія 14 дзён сярэдні ўзровень захворвання на каранавірусную інфекцыю на 100 тыс. жыхароў вырас да 1186,6 выпадку. Доля станоўчых тэстаў за апошнія сем дзён вырасла да 13%.
Усяго з пачатку пандэміі COVID-19 ад каранавіруса ў Літве памерлі 5511 чалавек.