Dobkin: EPAM budzie ŭ Biełarusi, pakul jość talenty i klijenty
Arkadź Dobkin pravioŭ kamjunici-siesiju ŭ ramkach hłabalnaj virtualnaj Zed Conference 2021, arhanizavanaj EPAM.
20.10.2021 / 12:55
Samaje papularnaje, pa słovach Dobkina, pytańnie było źviazana z płanami EPAM u Biełarusi, piša dev.by.
— My ŭžo dali publičny adkaz z hetaj nahody, i ja dumaju, što mahu tolki paŭtaryć skazanaje.
Pakul u Biełarusi jość talenty i ludzi, jakija chočuć vučycca, i pakul jość klijenty, hatovyja vieści z nami biznes u Biełarusi, EPAM praciahnie pracavać tut, a taksama budzie imknucca palepšyć umovy dla miascovych supracoŭnikaŭ i vykonvać abaviazacielstvy pierad klijentami.
Na pytańnie ab adaptyŭnaści EPAM Dobkin adkazaŭ, što 2020-2021 hady stali dla kampanii «vydatnymi nastaŭnikami», i ciapier jana padrychtavana značna lepš, bo razumieje, jak na jaje mohuć paŭpłyvać niečakanyja padziei.