Kryčaŭskaha žurnalista Siarhieja Niaroŭnaha sudziać za łajki pad «ekstremisckim kantentam»
U sieradu byłoha redaktara kryčaŭskaj haziety «Volny horad» Siarhieja Niaroŭnaha zatrymali ŭžo pa novaj administracyjnaj spravie za «ekstremizm». Siońnia vyśvietliłasia, što jaho vinavaciać nie za reposty, a za łajki pad publikacyjami na staronkach ŚMI, jakija ŭłady pryznali ekstremisckimi, paviedamlaje BAŽ.
21.10.2021 / 13:04
U pieršym pratakole ŭ vinu Niaroŭnamu staviać łajk na staroncy Tutbaja ŭ fejsbuku, u druhim — łajk na staroncy telekanała, pryznanaha ekstremisckim.
Milicyjanty ličać, što svaimi łajkami žurnalist nibyta raspaŭsiudziŭ ekstremisckija materyjały.
Sudy pa abiedźviuch spravach suprać Niaroŭnaha pieranieśli na nastupny tydzień. Samoha žurnalista vyzvalili da suda.
U minułyja vychodnyja doma ŭ žurnalista milicyjanty praviali pieratrus i zabrali kampjutarnuju techniku.