У Полацку за абразу прадстаўнікоў улады да «хіміі» асудзілі ўраджэнку Узбекістана
Вынесены прысуд па крымінальнай справе ўраджэнкі Узбекістана Зухры Берасневай, якую абвінавацілі адразу па трох артыкулах Крымінальнага кодэкса.
26.10.2021 / 13:52
Гэта: знявага прадстаўніка ўлады (арт. 369), гвалт альбо пагроза ўжывання гвалту ў дачыненні да супрацоўніка органаў унутраных спраў (арт. 364) і паклёп (арт. 188).
Паводле абвінавачвання, 52-гадовая жанчына ў тэлеграме абразіла начальніка і супрацоўнікаў Полацкага РАУС Аляксандра Гаруса, Віталя Шашукова і Дзяніса Карасёва.
Суддзя Андрэй Дзергачоў прысудзіў жанчыне тры гады абмежавання волі з накіраваннем у выпраўленчую ўстанову адкрытага тыпу.