U hramadskim transparcie zabaranili słova «maski»? Ciapier dyktar kaža mudrahielistaje «srodki abarony orhanaŭ dychańnia»
Čytačy «Našaj Nivy» dasłali ŭ redakcyju zapisy antykavidnych abviestak u minskim hramadskim transparcie. Tak, ciapier dyktar kaža: «Z metaj prafiłaktyki vostrych reśpiratornych infiekcyj rekamiendujem vykarystoŭvać srodki abarony orhanaŭ dychańnia». Raniej dyktar kazaŭ słova «maski».
01.11.2021 / 15:32
My pazvanili ŭ «Minsktrans» daviedacca, jak uvohule treba razumieć frazu «srodki abarony orhanaŭ dychańnia» — moža, heta pra procivahazy?
«Tak, abviestka źmianiłasia, ale pad hetaj frazaj treba razumieć mienavita «maski», — adznačyli ŭ «Minsktransie».
A čamu nielha tady tak prosta i skazać, u «Minsktransie» nie viedajuć. Pry hetym na haračaj linii niekalki razoŭ padkreślili, što «heta tolki rekamiendacyja».