Hienprakuroru Hiermanii padali skarhu na supracoŭnikaŭ biełaruskich śpiecsłužbaŭ
Jeŭrapiejski centr kanstytucyjnych pravoŭ i pravoŭ čałavieka (ECCHR) razam z Suśvietnaj arhanizacyjaj suprać katavańniaŭ (OMCT) padali skarhu hienprakuroru Hiermanii. Jany vinavaciać šeść vysokich pradstaŭnikoŭ śpiecsłužbaŭ Biełarusi ŭ złačynstvach suprać čałaviečnaści. U skarzie padajucca fakty złačynstvaŭ z boku biełaruskich słužbaŭ biaśpieki paśla 9 žniŭnia 2020 hoda, paviedamlaje «Radyjo Svaboda».
01.11.2021 / 22:33
Tam zhadvajucca masavyja zatrymańni, katavańni, źniknieńnie ludziej, seksualny hvałt i palityčny pieraśled. U Hiermanii takija złačynstvy mohuć razhladacca pavodle pryncypu ŭniviersalnaj jurysdykcyi.
Pradstaŭnik ECCHR Andreas Šuler kaža, što raźličvaje na papiaredniaje rasśledavańnie z boku fiederalnaha prakurora Hiermanii, bo ŭ Biełarusi rasśledavańnia hetych faktaŭ nie pradbačycca. «Paciarpiełyja pavinny mieć mahčymaść ažyćciavić svaje pravy, a Hiermanija pavinna adyhrać u hetym viadučuju rolu. Atrymańnie dokazaŭ taksama pavinna ŭzmacnić jeŭrapiejski padychod da kryminalnaha pieraśledu, a taksama zachady ŭ ramkach AAN», — tłumačyć pravaabaronca.