U avijakatastrofie pad Irkuckam zahinuli troje biełarusaŭ
U składzie ekipaža samalota An-12 biełaruskaj avijakampanii «Hrodna», jaki lacieŭ ź Jakucka ŭ Irkuck i paciarpieŭ krušeńnie, było troje biełarusaŭ: šturman Siarhiejeŭ Andrej, inžyniery Harmonienka Dmitryj i Maksim Karpuk.
03.11.2021 / 16:42
«Naša Niva» vyśvietliła, što inžynieru Maksimu Karpuku było ŭsiaho tolki 26 hadoŭ.
Maksim Karpuk. Fota: sacyjalnyja sietki.
Chłopiec rodam z ahraharadka Dziarečyn, što ŭ Zelvienskim rajonie. Skončyŭ tam škołu, paśla advučyŭsia ŭ Minskim vyšejšym avijacyjnym kaledžy, paśla ŭ Biełaruskaj dziaržaŭnaj akademii avijacyi.
Ahułam na borcie było 7 čałaviek: dvoje hramadzian Ukrainy, dvoje rasijan i troje biełarusaŭ, paviedamlaje @breakingmash.
Viadoma, što samalot vioz tavary narodnaha spažyvańnia ŭ čukocki aeraport Kiepierviejem. Startavaŭ łajnier u Biełarusi i tudy ž pavinien byŭ viarnucca.
Užo jość infarmacyja, što samalot byŭ pabudavany ŭ 1968 hodzie na Taškienckim miechaničnym zavodzie. Da 2019 hoda jon naležaŭ kampanii Asia Airways z Tadžykistana, zatym jaho nabyła avijakampanija «Hrodna».