Minabarony Biełarusi adkazała na słovy Polščy ab mihracyjnym kryzisie
Pretenzii polskaha boku ab datyčnaści biełaruskich vajennych da mihracyjnaha kryzisu prakamientavała Ministerstva abarony.
09.11.2021 / 11:04
Paviedamlajecca, što 8 listapada ŭ 17.00 pa minskim časie pa inicyjatyvie polskaha boku ŭ Varšavie adbyłasia sustreča ataše pa pytańniach abarony pry pasolstvie Biełarusi Alaksieja Bortnika z pradstaŭnikami Ministerstva nacyjanalnaj abarony Polščy pa pytańni ab «parušeńniach polskaj miažy biełaruskimi vajskoŭcami i ich datyčnaści da mihracyjnaha kryzisu».
Minabarony Biełarusi padkreślivaje, što jakich-niebudź dokazaŭ pradstaŭlena nie było.
Taksama Minabarony zaznačaje, što raźmiaščeńnie 10 tysiač polskich vajskoŭcaŭ la polska-biełaruskaj miažy źjaŭlajecca istotnaj vajennaj dziejnaściu i parušeńniem dvuchbakovych dadatkovych damoŭlenaściaŭ ab rehijanalnych mierach davieru i biaśpieki. Adznačajecca, što takimi damoŭlenaściami praduhledžvajecca paviedamleńnie i zaprašeńnie naziralnikaŭ za vajennaj dziejnaściu, u jakoj biaruć udzieł 6 tysiač i bolš vajskoŭcaŭ.
Da ciapierašniaha momantu Minsk nie atrymaŭ ad polskaha boku ni paviedamleńnia, ni zaprašeńnia naziralnikaŭ.
Taksama paviedamlajecca, što aficyjny Minsk prapanavaŭ pravieści dvuchbakovuju sustreču dla abmierkavańnia hetaj zakłapočanaści z abodvuch bakoŭ. Adnak da hetaha času adkaz nie byŭ atrymany.