Kampanija «Sihmapolus», uładalnik jakoj sam na siabie napisaŭ zajavu, raspradaje biznes-centry
Uładalnik kampanii «Sihmapolus» pradaje svaje abjekty — całkam hatovyja biznes-centry, a taksama šmatfunkcyjanalnyja kompleksy, što budujucca na Niamizie i la stancyi mietro «Partyzanskaja».
10.11.2021 / 12:05
Jašče ŭ vieraśni, kali adbyłosia zatrymańnie kiraŭnika kampanii Vitala Sinickaha, jaki pabudavaŭ u Minsku mnostva ofisnych i handlovych centraŭ, u tym liku «Tytan», «Trum», «Civali», pradstaŭniki zabudoŭščyka kazali, što zatrymańnie nie paŭpłyvaje na pracu abjektaŭ, paviedamlaje belmarket.by.
Ale, mabyć, situacyja źmianiłasia, i na sajcie «Sihmapolus» źjaviłasia navina ab prodažy abjektaŭ.
Nabyć ich možna z dyskontam da rynkavaj canie. Usie kompleksy realizujucca niepasredna ŭłaśnikam.
Jość 17-paviarchovy biznes-centr Fortune na vulicy Prytyckaha, 29. Taksama možna stać uładalnikam biźnies-centra «Arłan» na vulicy Tyražnaj, 150 niedaloka ad płoščy Banhałor. Pradajucca i šmatfunkcyjanalnyja kompleksy na stadyi budaŭnictva - na Niamizie i za sto mietraŭ ad stancyi mietro «Partyzanskaja».