Aŭstrałijec adbiŭsia ad krakadziła ścizorykam
60-hadovy žychar Aŭstralii na tym tydni vyjšaŭ pavudzić ryby sa svajoj ža dzialanki, a vymušany byŭ spačatku prahnać dzikaha byka ź lubimaha miesca la raki, a paśla pazmahacca z krakadziłam.
10.11.2021 / 16:22
Fota: Depositphotos
Kali reptyłija źnianacku vyskačyła na bierah i schapiła mužčynu za nahu, toj nie razhubiŭsia i ŭčapiŭsia za manhravyja chmyźniaki na bierazie. Ale krakadził ciahnuŭ jaho z takoj siłaj i tak doŭha, što mužčyna byŭ zdaŭsia. Užo pad vadoj jon vychapiŭ kišenny ścizoryk i ŭsadziŭ jaho ŭ hałavu krakadziłu — heta i vyratavała, raspaviadaje Guardian.
Paśla zdareńnia paranieny aŭstrałijec jašče musiŭ sam siabie zavieźci ŭ lakarniu.
Śpiecyjalisty ź Ministerstva navakolnaha asiaroddzia i navuki praanalizavali rany rybaka i pacvierdzili, što heta ślady ad napadu krakadziła. Najbolš vierahodna, uvahu krakadziła pryciahnuŭ dziki byk na bierazie.