Za try nadpisy na prypynkach u Drahičynskim rajonie mužčynu asudzili na 1,5 hoda «chatniaj chimii»
U sudzie Drahičynskaha rajona 10 listapada vynieśli prysud Jaŭhienu Kažuchu, jakoha vinavacili ŭ apahańvańni zbudavańniaŭ i psavańni majomaści (art. 341 KK). Sudździa Julija Kuksa pahadziłasia z pazicyjaj dziaržabvinavačvańnia i prysudziła mužčynie 1,5 hoda «chatniaj chimii».
10.11.2021 / 19:39
Na kałodziežy ŭ dvary doma abvinavačvanaha napisanaja fraza «Žyvie Biełaja Ruś», jakuju z vulicy nie bačna. Na pytańnie suda, navošta była naniesiena heta fraza, mužčyna adkazaŭ, što chacieŭ pasprabavać, jak piša bałončyk.
Pakolki ŭ sudzie Jaŭhien Kožuch nie moh uzhadać, jakija nadpisy nanosiŭ, byli ahučanyja jahonyja pakazańni: uviečary 16 žniŭnia 2021 hoda Jaŭhien na adnym prypynku napisaŭ «Žyvie Biełaruś», na druhim — «Nie zabudiem. Nie prostim», a ŭ Simanavičach — «3% uchodi». Abvinavačanaha zatrymali na pracy supracoŭniki HUBAZiK.
Mužčyna vinu pryznaŭ, dobraachvotna ŭ dasudovym paradku pakryŭ škodu — jana skłała 82 rubli 98 kapiejek.