Va Ukrainie za pryščepku ad karony buduć vydavać 1000 hryŭniaŭ. Ale patracić ich možna budzie nie na ŭsio
Kab padtrymać biznes, ludziam, jakija prajšli poŭny kurs vakcynacyi ad karona, va Ukrainie abiacajuć vypłacić pa tysiačy hryŭniaŭ. Pra heta havorycca ŭ videazvarocie prezidenta Uładzimira Zialenskaha, pieradaje hromadske.ua.
16.11.2021 / 16:38
Prahrama padtrymki sfier, najbolš paciarpiełych ad karancinu — kreatyŭnaj, spartyŭnaj i transpartnaj, — raspačniecca ŭ najbližejšy čas.
«Prahrama budzie pracavać tak: kožny, chto atrymaŭ dźvie pryščepki suprać karanavirusa, zmoža atrymać adnu tysiaču hryŭniaŭ (prykładna 92 rubli — NN) chutka i zručna, heta značyć praz dadatak «Dzieja», — zajaviŭ Zialenski.
Jon dadaŭ, što za hetyja hrošy možna budzie kupić abaniemient u spartzału, fitnies-kłub, naviedać kinateatry, muziei i vystavy abo kupić kvitki dla padarožžaŭ unutry krainy.
Prahrama startuje 19 śniežnia. Da kanca hoda na jaje budzie vydatkavana kala troch miljardaŭ hryŭniaŭ. Jašče stolki ž — u pačatku 2022 hoda.
Pa stanie na 16 listapada ŭ krainie pryščeplena całkam 8,8 młn (20%) ludziej, adnu dozu vakcyny atrymali 12 młn.