Ibrahimavič padpisaŭ kantrakt z «Barsiełonaj»
28.07.2009 / 11:18
Forvard Złatan Ibrahimavič padpisaŭ kantrakt z «Barsiełonaj». Švied zaklučyŭ z kłubam pahadnieńnie na 5 hod. Futbalist budzie vystupać u katałonskaj kamandzie pad 9‑m numaram.
Raniej Ibrahimavič vystupaŭ za «Malmie», «Ajaks», «Juvientus» i «Inter».
U 156 matčach Sieryi A švied zabiŭ 80 hałoŭ. Za zbornuju svajoj krainy Złatan pravioŭ 56 sustreč, u jakich adznačyŭsia 21 miačom.
Za svajho najlepšaha bambardzira «Inter» atrymaŭ kamierunca Samiuela Eto'O, chaŭbieka Alaksandra Hleba i 46 miljonaŭ jeŭra. Biełarus pavinien pravieści ŭ miłanskim kłubie siezon na pravach arendy.
Suma adstupnych, ustanoŭlenaja «Barsiełonaj» za Ibrahimaviča, składzie 250 miljonaŭ jeŭra. «Inter» budzie mieć pieravahu pierad inšymi kłubami, kali zachoča vykupić tranśfier Hleba. Za biełarusa katałoncy žadajuć atrymać 12 miljonaŭ.