Kitaj paniziŭ uzrovień dypłamatyčnych adnosin ź Litvoj. Tam adkryli pradstaŭnictva Tajvania
Kitaj aficyjna paniziŭ dypłamatyčnyja adnosiny ź Litvoj da ŭzroŭniu pavieranaha ŭ spravach. Heta zrabili ŭ znak pratestu suprać taho, što Tajvań adkryŭ ambasadu ŭ Vilni, piša The Guardian.
21.11.2021 / 13:24
Pradstaŭnictva Tajvania ŭ Litvie pačało pracu 18 listapada, niahledziačy na pahrozy z boku ŭładaŭ KNR. Heta aburyła Piekin, jaki imkniecca trymać vostraŭ u zonie svajho ŭpłyvu i izalavać jaho ad inšych dziaržaŭ.
«Urad Kitaja byŭ vymušany asłabić dypłamatyčnyja adnosiny pamiž dźviuma krainami, kab abaranić svoj suvierenitet i asnoŭnyja normy mižnarodnych adnosin», — zajavili ŭ Ministerstvie zamiežnych spraŭ u niadzielu, 21 listapada, dadaŭšy, što Litva stvaryła «drenny precedent na mižnarodnaj arenie».
U Piekinie adznačyli, što Vilnia «admoviłasia ad palityčnych abaviazacielstvaŭ, jakija ŭziała na siabie paśla ŭstanaŭleńnia dypłamatyčnych adnosin» z KNR.
U MZS Litvy zajavili, što škadujuć ab takim rašeńni Kitaja, ale i majuć prava pašyrać supracoŭnictva z Tajvaniem.