Eks-kiraŭnica «Radzisłavy» Volha Harbunova spyniła haładoŭku
Palitviazień Volha Harbunova vychodzić z haładoŭki, jakuju trymała z 9 listapada. Pra heta paviedamiła ŭ «Fejsbuku» Volha Łanieŭskaja.
23.11.2021 / 08:52
«Ola vychodzić z haładoŭki. Źjaviŭsia matrac i mahčymaść spać nočču. Atrymałasia pieradać leki, pieradaču i adpravić pasyłku. Ola ŭsim dziakuje za padtrymku i pieradaje pryvitańnie», — napisała Volha Łanieŭskaja, dadaŭšy, kab ludzi pisali Harbunovaj listy, Jana znachodzicca na Vaładarskaha.
Volhu Harbunovu zatrymali 9 listapada pa padazreńni ŭ ździajśnieńni złačynstva pa art. 342 Kryminalnaha kodeksa za arhanizacyju žanočych maršaŭ u 2020 hodzie. Jana adrazu abviaściła haładoŭku.
Volha Harbunova — byłaja kiraŭnica arhanizacyi «Radzisłava», jakaja dapamahaje žančynam, jakija cierpiać ad chatniaha hvałtu.