Pamior architektar Aleh Varabjoŭ — aŭtar budynka Kalijnaj kampanii, kompleksa «Falkon»
Na 75-m hodzie pajšoŭ z žyćcia viadomy biełaruski architektar Aleh Varabjoŭ, paviedamlajuć «Minsk-naviny».
25.11.2021 / 10:34
Z 1979 pa 1999 h. jon pracavaŭ hałoŭnym architektaram «Minskprajekta». U hety čas pad jaho kiraŭnictvam byli zaprajektavanyja i pabudavanyja handlova-hramadski kompleks «Kirmaš» z kinateatram «Biareście», administracyjny budynak kancerna «Biełnaftachim» na praśpiekcie Dziaržynskaha, kompleks haścinicy «Arbita».
Siarod apošnich rabot A. Varabjova i jaho kamandy — ofis Biełaruskaj kalijnaj kampanii na pr. Mašerava, viadomy jak budynak-kryštal, šmatfunkcyjanalny kompleks «Falkon» z hatelem «Maryjot» na pr. Pieramožcaŭ, rekanstrujavany budynak fabryki-kuchni na vulicy Śviardłova. A na vulicy Ja. Kupały na miescy 2-j haradskoj balnicy ciapier budujecca šmatfunkcyjanalny kompleks z hatelem.
Ofis Biełaruskaj kalijnaj kampanii — h.zv, budynak-kryšal
Kompleks «Falkon»