U Biełarusi ŭ nastupnym hodzie źjavicca kaŭbasa bieź miasa

U Instytucie miasa-małočnaj pramysłovaści NAN raspracavali recepturu kaŭbasy na raślinnaj syravinie. Jak śćviardžajuć navukoŭcy, pa smaku kaŭbasa padobnaja da miasnoj i budzie kaštavać značna tańniej. 

29.11.2021 / 10:10

Jak piša hazieta «Respublika», pavinny źjavicca jašče i raślinnyja sasiski sa smakam kurycy i jałavičyny. Pry vytvorčaści było vyrašana admovicca ad soi, tamu vykarystoŭvajuć fasolu, harochavuju muku, bulbianoje piure, suchoje małako i syrovatačny białkovy kancentrat, a taksama śmietankovaje masła. 

Kab atrymać smak miasnoha vyrabu, u skład raślinnaj kaŭbasy ŭklučanyja smakaaramatyčnyja rečyvy.

Taksama ŭ nastupnym hodzie navukoŭcy abiacajuć i maroziva biez małaka. Zamiest jaho buduć vykarystoŭvać aŭsianaje małako, atrymanaje pa śpiecyjalnaj technałohii z aŭsianych šmatkoŭ.