MZS Ukrainy: Łukašenka spaliŭ usie masty, zrabiŭšy Biełaruś varožaj krainaj
Ciapier Ukraina razhladaje Biełaruś jak varožuju dziaržavu i nie vyklučaje nie tolki mahčymaść rasijskaha ŭvarvańnia z boku susieda z poŭnačy, ale i ŭdziełu ŭ im biełaruskich uzbrojenych sił.
02.12.2021 / 20:06
Zajava Łukašenki pra hatoŭnaść naviedać Krym pieratvaryli hetuju krainu ŭ varožuju dla Ukrainy. Pra heta ŭ intervju łatvijskamu partału Sargs.lv zajaviŭ ministr zamiežnych spraŭ Ukrainy Dźmitryj Kuleba.
«Hetaj zajavaj Łukašenka pa sutnaści spaliŭ usie masty ŭ adnosinach z Ukrainaj, zrabiŭšy Biełaruś krainaj, varožaj dla Ukrainy», — skazaŭ ministr, nazvaŭšy Łukašenku dyktataram.
Kuleba raspavioŭ, što ŭ Kijevie surjozna razhladajuć nie tolki mahčymaść uvarvańnia rasijskich vojskaŭ praz Biełaruś, ale i mahčymaść udziełu biełaruskich vajskoŭcaŭ u hetaj apieracyi.