Na vyjezd ź Biełarusi ŭ čerhach staić amal 5 tysiač hruzavikoŭ
Dziaržaŭny pamiežny kamitet Biełarusi apublikaŭ danyja ab situacyi na miažy. Pa stanie na 10:00 aŭtorka ŭ čerhach na vyjezd z krainy staić 4900 hruzavikoŭ.
07.12.2021 / 12:01
Z pačatku śniežnia čerhi z fur na miažy pavialičylisia jašče na 20%, adznačajuć u pamiežnym viedamstvie.
Samy zahružany — litoŭski kirunak, tut staić 2200 fur (u Kamiennym Łohu — 640, u Bieniakoniach — 500).
U čerhach na polskich pierachodach ź biełaruskaha boku stajać 1720 mašyn (nahadajem, pierachod u Bruzhach/Kuźnicy zakryty).
Na ŭkrainskim napramku, u Makranach, staić 20 hruzavych aŭtamabilaŭ.