U centry Lvova žančyna adkryła fejkavy abmieńnik. Miascovaha žychara tam adrazu naduryli na 19 tysiač dalaraŭ
U centry Lvova kijaŭlanka razam z saŭdzielnikami arhanizavała fiktyŭny punkt abmienu valut z tablicaj z kursami, aparatam dla pieraličvańnia i falšyvymi hrašyma. Na kručok trapiŭsia miascovy žychar, jaki addaŭ machlarcy 19 tysiač dalaraŭ.
07.12.2021 / 15:11
U palicyju paskardziŭsia mužčyna, jaki raspavioŭ, što 29 listapada ŭ adnym z abmiennych punktaŭ Lvova, na vulicy Pad dubam, kasirka ŭziała ŭ jaho hrošy dla abmienu i syšła razam ź imi praz zadnija dźviery. Pryčym mužčyna addaŭ 19 tysiač dalaraŭ.
Palicyja zaznačaje, što machlarka vykarystała paryk čornaha koleru i padroblenyja dakumienty. Dla pošuku patencyjnych achviar žančyna davała anłajn-abjavy pra abmien bujnoj sumy zamiežnaj valuty, prapanoŭvajučy panižany kurs.
Žančynu zatrymali ŭ Kijevie, joj pahražaje pazbaŭleńnie voli na termin ad troch da vaśmi hadoŭ.