Biełaruskija čynoŭniki prydumali novuju krynicu dachodaŭ — navihacyjnyja płomby na tranzitnyja hruzy
Pačatak byŭ pakładzieny ŭ 2020 h. pastanovaj Saŭmina. Z červienia minułaha hoda hruzy, jakija prajazdžali praz miažu JeAES u Biełarusi, płambavali na vybaračnaj asnovie. Cana arendy płomby na hruzavik dasiahała troch bazavych vieličyń, paviedamlaje telehram-kanał «Ekanomika pa-biełarusku».
08.12.2021 / 08:47
DW
U kancy lipienia 2021 h. Saŭmin uvioŭ abaviazkovaje płambavańnie aŭtahruzaŭ, jakija ŭvoziacca z terytoryi Litvy. Cana płomby padrasła da 5 bazavych vieličyń.
I voś ciapier płambavańnie achapiła hruzy, jakija pastupajuć z terytoryi Polščy. Cana płomby dla tranzitnych hruzaŭ z Litvy i Polščy vyrasła da 10 bazavych.
Cikava, što ŭletku litoŭskim pieravozčykam dali miesiac na padrychtoŭku da źmienaŭ. A ciapier adpaviednaja pastanova nabyvaje siłu za dzień: apublikavali 8 śniežnia, ustupaje 9-ha.
Takim čynam, ciapier tranzitnyja hruzy z Litvy i Polščy abkładajucca abrokam u 10 BV na mašynu.
Ci šmat heta daść biełaruskamu biudžetu? Pa infarmacyi Mytnaha kamiteta, za 2020 h. «praz mytnuju miažu JeAES u Biełaruś prajechała bolš jak 2,3 młn hruzavych aŭtamabilaŭ, abo kala 6,5 tys. hruzavikoŭ štodzień».
Kali navihacyjnymi płombami achapić miažu z Ukrainaj i Łatvijaj, to vychodzić da 667 młn rub dachodaŭ (2,3 młn × 10 × 29 rub).
Z 2022 h. pamier bazavaj vieličyni płanujuć padniać da 31 rub.