Novaja kiraŭnica MUS Hiermanii nazvała dziejańni Minska skandalnymi i biesčałaviečnymi
Novy ministr unutranych spraŭ Hiermanii Nensi Fiezier nazvała «skandalnym i biesčałaviečnym» vykarystańnie Minskam mihrantaŭ u jakaści instrumientu ŭ kanflikcie ź Jeŭrapiejskim Sajuzam, paviedamlaje DW.
09.12.2021 / 19:30
Alaksandr Łukašenka ekspłuatuje ludziej, jakija znachodziacca ŭ biadotnym stanoviščy, dziela dasiahnieńnia ŭnutrypalityčnych metaŭ, zajaviła Fiezier u čaćvier, 9 śniežnia, u Brusieli padčas svajoj pieršaj sustrečy z kalehami pa pasadzie ź inšych dziaržaŭ ES.
Razam z tym Jeŭrasajuz dasiahnuŭ «pieršych pośpiechaŭ» va ŭrehulavańni hetaha kanfliktu, jak ličyć Nensi Fiezier. Jana nazvała važnym zachavańnie pravavych standartaŭ na miežach ES. Akramia taho, nieabchodna zabiaśpiečyć dostup humanitarnych arhanizacyj i jeŭrapiejskaj pamiežnaj słužby Frontex da mihrantaŭ, jakija znachodziacca ŭ rajonie biełaruska-polskaj miažy.