Litoŭskaja čyhunka šukaje sposaby viarnuć 10 miljonaŭ jeŭra avansu ad «Biełaruśkalija»
Dziaržaŭnaja litoŭskaja čyhunačnaja kampanija šukaje sposaby viarnuć avans, jaki «Biełaruśkalij» zapłaciŭ za transparciroŭku kalijnych uhnajeńniaŭ u studzieni-lutym nastupnaha hoda, paviedamlaje delfi.lt.
11.12.2021 / 16:47
Fota: delfi.lt
«Naša meta — viarnuć hrošy za studzień i luty, my budziem šukać šlachi i jašče raz pastarajemsia ich viarnuć», — zajaviŭ pradstaŭnik litoŭskaj čyhunki pa suviaziach z hramadskaściu Mantas Dubaŭskas.
Jon adznačyŭ, što kampanija ŭžo sprabavała pahasić hety dadatkovy avans praz Swedbank 7 śniežnia, za dzień da taho, jak nabyli moc sankcyi ZŠA adnosna «Biełaruśkalija». Ale 8 śniežnia hrošy viarnuli nazad na rachunak. Bo rasijski karespandent-bank VTB, što absłuhoŭvaje «Biełaruśkalij», adchiliŭ pieravod srodkaŭ.