U Ispanii skončyłasia vyviaržeńnie vułkana — jano doŭžyłasia amal try miesiacy, razburyŭšy tysiačy damoŭ FOTA
Ciapier miascovym treba budzie ačyścić vulicy ad ton popiełu: jon zasypaŭ horad ciomna-šeraj zasłonaj i navat pavialičyŭ płošču vostrava, piša TJ.
19.12.2021 / 11:19
Fota EPA
Vułkan Kumbre-Vjecha, jaki aktyvizavaŭsia 19 vieraśnia, amal kančatkova zasnuŭ. Chacia śpiecyjalisty nie vyklučajuć novaj chvali i rekamiendujuć hramadzianam pačakać da Kaladaŭ, vułkan užo niekalki dzion nie prajaŭlaje prykmiet aktyŭnaści.
Fota Emilia Marenaćci / AP
Pavodle infarmacyi haziety Pais, łava paškodziła bolš za paŭtary tysiačy damoŭ i 73 kiłamietry daroh. Jašče ŭ siaredzinie listapada navukoŭcy źviartali ŭvahu na toje, što z-za vialikaj kolkaści popiełu płošča vostrava pavialičyłasia na 43 hiektary.
Vielizarnaja terytoryja Palmy zastajecca zasypanaj popiełam — pakul ratavalniki sprabujuć rasčyścić vulicy i darohi, na vostraŭ prybyvajuć daśledčyki, jakija chočuć vyvučyć redkija parody, vykinutyja vułkanam.
Fatahrafii horada tam časam vyhladajuć jak kadry ź filma pra postapakalipsis.
Fota Emilia Marenaćci / AP
Fota Emilia Marenaćci / AP
Fota Emilia Marenaćci / AP