Błohieru Vadzimu Jermašuku (Vadimati) dali try hady kałonii
Prysud vynies sudździa Dźmitryj Civunčyk 21 śniežnia ŭ Ščučynskim rajonnym sudzie.
21.12.2021 / 10:44
Jaho abvinavačvali pa dvuch kryminalnych artykułach: ździek ź dziaržaŭnych simvałaŭ (art. 370 KK) i abraza Łukašenki (art. 368 KK). Na dumku dziaržabvinavačvańnia, Vadzim naŭmysna pryniziŭ Alaksandra Łukašenku i źniavažyŭ dziaržaŭny ściah praz publikacyi ŭ Instahramie.
Vadzim pracavaŭ na rynku «Karona» pradaŭcom, rabiŭ rekłamu miascovamu biznesu ŭ Instahramie, naviedvaŭ sudovyja pracesy pa palityčnych spravach i dapamahaŭ palitviaźniam, nahadvaje «Novy čas».