Łukašenka siońnia parazmaŭlaŭ pa telefonie z Alijevym
Telefonnaja razmova kiraŭnikoŭ Biełarusi i Azierbajdžana Alaksandra Łukašenki i Ilchama Alijeva adbyłasia siońnia.
25.12.2021 / 12:40
«Alaksandr Łukašenka asabista pavinšavaŭ Ilchama Alijeva z 60-hadovym jubilejem. Padziakavaŭ za siabroŭskuju padtrymku na samicie Uschodniaha partniorstva», - prainfarmavali ŭ pres-słužbie.
Ilcham Alijeŭ, u svaju čarhu, prainfarmavaŭ biełaruskaha kalehu ab situacyi na terytoryi Nahornaha Karabacha i chodzie adnaŭleńnia hetych ziamiel.
Taksama kiraŭniki dziaržaŭ abmierkavali ŭvieś kompleks biełaruska-azierbajdžanskich adnosin i damovilisia ab praciahu razmovy na samicie ŭ Sankt-Pieciarburhu 28 śniežnia, paviedamlaje BiełTA.